مختومقلي فراغي، ايرانين ان‌بؤيوك آمما آزتانينميش شاعيرلريندن بيريسي‌دير، مختومقولونو ايرانين باشقا خالقي تانيميرسادا اونو توركمن قارداشلار اوشاقلاريندان آرتيق تانئييب، حرمتين ساخلاييرلار. ايلده اونا بير هفته تركمن صحرانين چئشيدلي شهرلرينده قورولتايلار قوروب عزيزله‌ييرلر. بو آغيرلاما قورلوشلاري «گنبد‌قابوس»دا، گرگان‌دا و شاعيرين ابدي يوردو اولان آق‌توقاي كندينده قورولار. مختومقولو ابديته قاووشدوقدا اونون ياراتديغي سؤي‌لري توكمن خالقينين اوره‌گينده ابديت‌ بويوجا ياشاماقا باشلاري. گئتديكجه اونون شاني آرتيب، آدي داها اوجالير. مختومقولو توركمن‌لرين داها آدلي ـ سانلي شاعيرلري ساييلير. بو گؤزه‌ل ميللتين شاعيري گركده مختومقولو دك گؤزه‌للك‌لر شاعيري اولسون و اينجه شعرلريني، بو خالقين شانيندا يارادسين. مختومقولونون ديوانين، مختومقولو يارادماييب، مختومقولون بسله‌يه‌ن ائل ياراديب و توركمن خالقي او اولو ديوانين شاعيرلري ساييلر. مختومقولو اؤز خالقي‌نين ديلي‌دير كي ظلمه قارشي، قارانليق‌لارا قارشي، آلچاغليقلاارا قارشي كسرگي ديلي‌ايله چيخيشمادادير.

عزيز آذربايجان توركجه‌سينده دانيشان وطنداشلارين فايدالانماسي ايچون مختومقولونون شعرلري آزجا دئيشيگيله‌ن آذربايجان ديلينده چؤكورولوب. بو دئييشيك‌ده چاليشميشيق اصلي متينين اصالتين ساخلاياراق قولاي چئشيدليك‌لري و آذربايجانجانين اؤزه‌ل قايدالارين و امانت‌دارليق و اثرين اصالتيني قوروماقيلان و اعمال ائده‌ك.

فراغي‌نين قالين ديوانيندا بئش‌يوزه ياخين شعرلرينده‌ن بير نئچه سيني اؤز ذوقي‌ميزيله‌ن سئچيب بوردا گتيريميشيك.

عزيز اخوجولاردان ايسته‌ييريك انتقادي باخيش‌لاريني بيزدن اسيرگه‌مه‌سينلر. نئيه كي قصديميز وار يئني‌ليك‌ده مختومقولونون آذربايجانجالاشميش شعرلريني چاپا تاپشيريب كتاب شكلينده ياياق. ايندي ايسه مختومقولونون آذربايجانجالاشميش شعرلرينده بير نئچه‌سيني خدمتينيزه تقديم اولونور. بو اميدايله كي بير گون مختومقولونون شعرلريني بوتون خالقيميز تركمنجه اوخويالار.