ديرناغي دميردن، تالانچي دونيا!

 ايشين يوخدور ناموس‌ايله عارايله

 جور و جفاسي چوخ، يالانچي دونيا

                 قويمازسان گزمه‌گه ياري يارايله

 محبّت اووجوندان يار بير گول دئسه

 حاجتيني ايسته منده‌ن آل دئسه

 بير گون دوردون، بير گئجه هم قال دئسه

                قدم قويسام آياق يئرينه سر‌ايله

 اسديكجه اوج ائدر دونيانين يئلي

 قصد ائدسه، قورودار درياي نيلي

 بيرگونده اسريديب مست ائده‌ر فيلي

                بير گون ده نيست ائده‌ر پشه پرايله

 زمين‌نين اوستونده داغ‌لار چئكرسن

 تماشاگر اولوب كسه چيخارسان

 هر نه واردئ بير وجه‌ايله ييغارسان

                جلگه‌ني سيل‌ايله، داغي قار‌ايله

 تلموروب دادائتسه قولاق توتمازسان

 آغلاييب ياش توكه‌نه رحم ائدمز‌سن

 جان متاعين آلسان قاييديب ساتماز سان

             يئنه دونوب آلماق اولماز زرايله

 ليلي اوچون نه جور ائتدين مجنونه

 ظاليم! انصاف ائله بو ناحق خونه

 گونده قيرخ آت بزييب وئردن قارونه

             عيسي ميدار وئردين تكجه خر‌ايله

 مختوم‌قولو آيدار: ايشين تالان‌دير

 بو نوبت چوخ‌لاردان گليب گئدن‌دير

 اعتباين يوخدور سؤزون يالان‌دير

              دوست قويمادين يكسان ائتدين يئر‌ايله