من يعقوبم آهی ـ زاری      چئكه‌م يوسف دئيه ـ دئيه

گؤزلريمده‌ن قانلي ياشی    تؤكه‌م يوسف دئيه ـ دئيه

فلك آغلار گؤزياشيما        نه سودا دوشدو باشيما

مجنون اولوب داغ باشينا    چيخام يوسف دئيه ـ دئيه

هر طرفدن چؤلكه ـ چؤلكه    ‌بولوت اوينار كؤلگه كؤلگه

اون‌ايكي داغ يئددي جؤلگه       سؤكه‌م يوسف دئيه، دئيه

گئتدي يوسف گلمز خبر        دوروب آغلارام هر سحر

قالا ـ قالا، شه‌هه‌ر ـ شه‌هه‌ر     سؤكه‌م يوسف دئيه ـ دئيه

مگر يوسف دوشدو چايا        جمالين دييب باخام آيا

عراق زمين، كربلايا          باخام يوسف دئيه ـ دئيه

حسرتيمه فلك آغلار        عاشق اولدو ديل‌سيز زاغ‌لار

فرهاد اولوب بؤيوك داغلار   يئخام يوسف دئيه ـ دئيه

اؤته‌ر ايام دؤنه ـ دؤنه        گئچر بو جان يانا ـ يانا

ائرته، آخشام، آيا ـ گونه       باخام يوسف دئيه ـ دئيه

يوسف گزه‌ر ديلدن ـ ديله     شيدا اولوب چؤلدن ـ چؤله

سوراغ ساليب ايلدن ـ ايله    چيخام يوسف دئيه ـ دئيه

مختوم‌قولو دوست اوزوندن     دورماز ياش آخار گؤزوندن