دوشن گونلريم
دوققوز آي ياتميشام آنام قارنيندا
گؤز آچيب دونيايا دوشن گونلريم
دؤرت آياغا گزديم آنام الينده
سككيز آيدا هم گولوشن گونلريم
بيريمده بيلمديم ياخشي ياماني
ايكيمده تانيديم آتا ـ آناني
اوچ ياشيمدا تانري وئردي زباني
دؤرت ياشيمدا داش آتيشان گونلريم
باشيمي اؤتوردوم باهار ـ ياز ايلن
آلتي ياشدا قاوالاشديم باز ايلن
يئددي ياشدا ايشيم اولماز قيزايلن
سككيزيمده ديشم دوشن گونلريم
دوققوزومدا وئرديم تانري سلامي
اونومدا بوينومدا حقين كلامي
اونبيريمده توتدوم دوات قلمي
اوخوب ـ اوخوب معني سئچن گونلريم
اونايكيمدن گئتديم اوناوچ ياشيما
اوندؤردومده اثر وئردي باشيما
اونبئشيمده قيزلار گيردي دؤشومه
اونآلتيمدا قايناب جوشان گونلريم
ايگيرميمده مستان ـ مستان گزرديم
يئيرميبئشده غنيم اوخون دوزرديم
اوتوزومدا آتلار مينيب اوزرديم
اوتوزبئشده ترس ساواشان گونلريم
قيرخيمدا قويولوب كاسام دولموشام
الليمده اليمه تسبئح آلميشام
آلتميشيمدا پيره مريد اولموشام
پيغمبر ياشيني ياشان گونلريم
يئتميشيمده آغري اندي ديزيمه
سكسانيمدا غبار اندي گؤزومه
دوغسانيمدا هوش قالمادي اؤزومه
عقل هوشدان جدا دوشن گونلريم
يوز ياشا يئتيرمن آلارلار جانين
اوزاديب قويارلار بيچرلر دونون
مختومقولو همراه اولسا ايمانين
جان جسددن آيري دوشن گونلريم
ساغليغيلان